20.9.2023
Illyria Life vazhdon ta mbështesë fushatën e bamirësisë "Let's Dance" nga AMC!
Më datë 20 Shtator, AMC Health organizoi edicionin e shtatë të ngjarjes filantropike "Let's Dance", ku ishte e pranishme edhe kompania për sigurimin e Jetës K.S.J ILLYRIA Life sh.a, e cila si çdo vit tjetër vazhdon ta mbështesë këtë fushatë bamirësie që i dedikohet përmirësimit të shëndetit të nënave dhe fëmijëve në Kosovë.
Mbështetje të tilla demonstrojnë përkushtimin e komunitetit për një kauzë fisnike, duke theksuar fuqinë e bujarisë kolektive në dhënien e donacioneve të cilat do të kenë ndikim pozitiv në përmirësimin e shëndetit të shumë nënave dhe fëmijëve!
Mbrëmja u shënua me fjalime rasti ku u shpalosën të arriturat dhe u dhuruan mirënjohje të ndryshme duke u argëtuar dhe shoqëruar me muzikë të bukur dhe atmosferë të ngrohtë gjatë tërë mbrëmjes, për ta jetësuar këtë ngjarje tashmë të shndërruar në ngjarje tradicionale të mirëpritur nga të gjithë!
Në këtë ngjarje filantropike, u mblodhën rreth 23.000.00 Euro në mbështetje të nënave dhe fëmijëve në Kosovë!
Nevojat për gratë shtatzëna dhe foshnjet e tyre vazhdojnë çdoherë të jenë edhe më të mëdha sesa në të kaluarën, prandaj edhe ne si Kompani e Sigurimit të Jetës vazhdojmë të gjendemi gjithmonë pranë tyre dhe t’i mbështesim edhe më tutje në forma të ndryshme.
Dhurojmë me zemër për nënat dhe fëmijët në nevojë!
#illyrialife #savainsurancegroup #mesnjerezvetemire #asnjeherevetem #amchealth #letsdance
