3.1.2024
Trofe dhe Medalje të Shumta nga Ski Prishtina, e Mbështetur nga ILLYRIA Life!
Klubi i Skitarisë Prishtina shkëlqejnë sërish me rezultate të jashtëzakonshme, duke u stolisur trofe dhe medalje të shumta të fituara, si në garat kampionale të kampionatit të Kosovës, poashtu edhe në ato ndërkombëtare.
Të shumtë ishin skijatorët nga Klubi Ski Prishtina që u shpërblyen me medalje për vendet e para, respektivisht të dyta e të treta, në disiplina të ndryshme, gjatë garave të zhvilluara në sezonën e vitit që po e lëm pas.
Skijatorët e rinjë dhe në veçanti medalistët siç janë: Lirika Deva, Dren Spahiu, Klos Vokshi e Klea Vokshi, Rene Xhambazi e Liza Xhambazi, Diar Sadiku e Ema Sadiku, Ben Cana e Briz Cana, Andon Malazogu e Noel Kel Malazogu dhe të tjerë, të cilët me dashurinë e madhe për sportin e skijimit bëhen një me malet duke mos u trembur asnjëherë nga sfidat me të cilat ballafaqohen, e bëjnë këtë komunitet të skijimit në Kosovë të jetë në rritje çdoherë e më shumë.
Një urim i veçantë i dedikohet skijatorës Lirika Deva e cila e gëzoi titullin si 'Sportistja e Vitit 2023' dhe Klubit Ski Prishtina si 'Klubi më i Mirë i i Vitit 2023'.
Kompania e Sigurimit të Jetës ILLYRIA Life është e dedikuar ndaj promovimit dhe mbështetjes së zhvillimit të skijimit dhe sportit në Kosovë prandaj edhe më tutje vazhdon ta përkrahë Klubin e Skitarisë Prishtina dhe skijatorët e shpërblyer i uron për këto rezultate triumfuese, duke i dëshiruar suksese të mëtutjeshme në të ardhmen.
#illyrialife #savainsurancegroup #skiprishtina #amonggoodpeople #neveralone
