24.5.2024
KBF Prishtina, Fituese e Kupës së Kosovës për Grupmoshat U16 dhe U18!
Klubi i Basketbollit të Femrave KBF PRISHTINA është një sinonim i performancës së shkëlqyer dhe pasionit për sportin!
Klubi nga kryeqyteti, Prishtina, është shpallur fituese e Kupës së Kosovës për edicionin 2023/2024, për grupmoshat e reja, si në kategorinë U16 poashtu edhe në U18.
Në grupmoshat U16 u zhvillua “Final Four” i "Kupës së Kosovës" në Prishtinë, ku në gjysëmfinale Prishtina triumfoi fillimisht ndaj KBF Penza, për të vazhduar tutje triumfimin e saj në finale kundër KBF Trepça. Lojtarja më e dalluar, Gerta Hoti u shpall MVP e “Kupës së Kosoves U16”.
Poashtu në grupmoshat U18, Prishtina është shpallur kampione e U18 për edicionin 2023/24, e cila triumfoi në finalen e playoff-it ndaj Peja 03, duke fituar në dy ndeshjet finale me rezultat 2-0. Medaljet për dy skuadrat dhe kupën i dorëzoi, Zyrtarja për Integritet në Federatën e Basketbollit të Kosovës (FBK), Vlora Braha.
Kompania e Sigurimit të Jetës ILLYRIA LIFE si kompani me përgjegjësi sociale e cila gjithmonë përpiqet që një pjesë të suksesit ta ndajë së bashku me të tjerët, vazhdon edhe më tutje ta mbështesë Klubin e Basketbollit të Femrave KBF PRISHTINA dhe i dëshiron suksese të mëtutjeshme, duke i përkrahur në të gjitha format drejt arritjes së rezultateve triumfuese, drejt titujve kampional.
