17.9.2024

Bancassurance Summit, Budva, Mali i Zi 2024

Javën e shkuar në Budva të Malit të Zi u mbajt Bancassurance Samiti, i organizuar nga Sava Insurance Group!

Ky samit mblodhi udhëheqës menaxherial dhe ekzekutivë të njohur nga të gjitha vendet e grupit Savës dhe NLB Bankës, duke krijuar një platformë për shkëmbimin e ideve dhe praktikave më të mira në fushën e bancassurance.

Gjatë këtij samiti, ekipet nga grupi i NLB Bankës dhe Savës ndanë përvojat e tyre dhe diskutuan në detaje vështirësitë me të cilat po përballen në proceset e punës. Këto diskutime ishin thelbësore për identifikimin e sfidave të përbashkëta, si dhe për eksplorimin e mundësive të reja për bashkëpunim dhe inovacion. Pjesëmarrësit patën mundësinë të angazhohen në biseda të hapura dhe ndarjen e strategjive që kanë funksionuar me sukses në kontekstin e tyre të veçantë.

Një aspekt i veçantë i këtij samiti ishin paraqitjet nga folës të jashtëm të kompanive lidere botërore. Këta ekspertë ndanë njohuritë e tyre mbi temat më aktuale, duke theksuar rëndësinë e Inteligjencës Artificiale në optimizimin e proceseve të biznesit dhe përmirësimin e përvojës së klientëve. Diskutimet përfshinë gjithashtu aspekte të tjera të avancuara në fushën e bancassurance, si menaxhimi i rrezikut dhe inovacionet në produktet financiare.

Pas përfundimit të aktiviteteve të ditës, pjesëmarrësit patën mundësinë të relaksohen dhe të shijojnë një shëtitje të mrekullueshme me anije. Ky ekskursion u zhvillua në ujrat kristal të Detit Adriatik, duke ofruar panoramat mahnitëse të bregdetit të Malit të Zi. Të gjithë ndiheshin të frymëzuar dhe të lidhur më shumë pas kësaj përvoje, duke u angazhuar për të çuar përpara idetë dhe iniciativat e diskutuara në samit. Kjo ngjarje jo vetëm që forcoi lidhjet mes profesionistëve të industrisë, por gjithashtu nxiti një kulturë bashkëpunimi dhe inovacioni në fushën e financave dhe sigurimeve.

#ILLYRIALife #SAVAInsuranceGroup #AmongGoodPeople #NeverAlone #Bancassurance #Summit