24.12.2024
Përmbyllja e Vitit Festiv në ILLYRIA Life!
Përfundimi i këtij vitit na gjen së bashku, si çdo vit tjetër, duke festuar arritjet e ekipit tonë dhe duke shprehur mirënjohjen për punën e palodhur të të gjithë kolegëve tanë të ILLYRIA Life. Ky muaj i festave është një mundësi për të reflektuar mbi sukseset që kemi arritur dhe për të shpërblyer ata që kanë dalë në pah me angazhimin dhe përkushtimin e tyre të jashtëzakonshëm gjatë vitit që po mbyllet.
Në këtë ditë përmbyllëse të vitit, ku të gjithë punonjësit u shpërblyen me dhurata simbolike si shenjë mirënjohje për kontributin e tyre, në vazhduam me traditën e ndarjes së shpërblimeve për më të dalluarit e vitit, të cilët përveç tjerash treguan entuziazëm dhe pasion të pashuar të shfaqur gjatë tërë vitit 2024.
Më të dalluarit e vitit 2024 janë: Burim Salihu, Menaxher i Shitjes, Eduard Përgjokaj, Këshilltar i Shitjes, si dhe Nebije Sadiku Ukmata, për kontributin e dhënë ndër vite, e cila ka qenë një shtyllë e fortë e kompanisë, duke ofruar mbështetje dhe ndihmë të vazhdueshme gjatë tërë këtyre viteve në ILLYRIA Life.
Shpërblimet e këtij viti janë një pasqyrim i pasionit dhe angazhimit të secilit individ që ka kontribuar për të bërë ILLYRIA Life atë që është sot. Me gjithë krenari, i urojmë suksese të mëtejshme të gjithë punonjësve të ILLYRIA Life dhe shpresojmë që së bashku të vazhdojmë të tejkalojmë çdo sfidë dhe të arrijmë rezultate sa më të kënaqshme në vitet në vijim.
Viti 2025 për ILLYRIA Life sjell mundësi të reja dhe aspirata të mëdha, ku me ekipin tonë të shkëlqyer synojmë të vazhdojmë suksesin dhe përkushtimin ndaj klientëve tanë.
Siguroje Jetën në ILLYRIA Life!
#ILLYRIALife #SavaInsuranceGroup #MesNjerezveTeMire #AsnjehereVetem
